လောဘ၊ ဒေါသ၊ မောဟ၊ တဏှာ၊ မာနဆိုတာ

လောဘ၊ ဒေါသ၊ မောဟ၊ တဏှာ၊ မာနဆို တဲ့ ယုတ်မာတဲ့ စိတ်တွေ အရှိန်အဟုန် မြင့်တက်လာတဲ့အခါ ထိုစိတ်ညံ့တွေရဲ့ သောင်းကျန်းမှုများက ဆင်းရဲပင်ပန်းသော ခံစားမှုမျိုးစုံတို့ကို ကိုယ်တွင်းမှာဖြစ်စေလိမ့်မယ်။ အကယ်၍ ခန္တီ၊ ဂရုဏာ၊ မုဒိတာ၊ ပညာဆိုတဲ့ positive state ယဉ်ကျေးသော စိတ်စေတသိပ်တွေ အရှိန်အဟုန်မြင့်တက်လာတဲ့အခါမှာတော့ နှစ်သက်မြတ်နိုးဖွယ်ကောင်းတဲ့ ငြိမ်းချမ်းတဲ့ အရာတွေ ကိုယ်တွင်းစိမ့်ဝင်ပျံ့နှံ့နေတာကို တွေရမှာဖြစ်တယ်။
လူ့စိတ်ဟာ ဆန်းကြယ်ပါတယ်။ ခဏတိုင်း ခဏတိုင်းမှာ ချစ်ခြင်း၊ မုန်းခြင်း၊ သနားကြင်နာခြင်း (သို့မဟုတ်) ရက်စက်ကြမ်းကြုတ်ခြင်း၊ ဝမ်းမြောက်ခြင်း (သို့မဟုတ်)မနာလိုခြင်း၊ လိုက်လျောညီထွေရှိခြင်း (သို့မဟုတ်)ဆန့်ကျင်ဘက်ပြုခြင်း၊ နှစ်သက်ဖွယ်ကောင်းခြင်း (သို့မဟုတ်)စိတ်ပျက်ဖွယ်ကောင်းခြင်း၊ တစ်ကိုယ်ကောင်းဆန်ခြင်း (သို့မဟုတ်)သူတစ်ပါးအများအကျိုးစီးပွားလိုလားခြင်း အစရှိသည်တို့ကို ထုတ်လုပ်ဖန်တီးနေပါတယ်။

ဇန်နဝါရီလ ၈ ရက်၊ ကြာသပတေးနေ့၊ ကြေးမုံသတင်းစာ၊ စာမျက်နှာ ၁၀၊ သီတဂူဆရာတော်၏ မိန့်ခွန်းဖြစ်ပါတယ်။
မိတ်ဆွေများအတွက် မျှဝေခြင်းဖြစ်ပါတယ်။

YKKM

သတိအစွမ်း အံ့မခန်း

ဟိုရှေးတုန်းက ရဟန်းတော်အပါးသုံးဆယ်ဟာ တောအုပ်တစ်ခုအတွင်း ၀ါတွင်းသုံးလ တရားအားထုတ်ဖို့ သီတင်းသုံး ၀ါဆိုကြသတဲ့။ တောက အလွန်နက်တော့ ကျားတွေကလည်း ပေါသတဲ့။ အဲဒီအထဲက ကျားဆိုးတစ်ကောင်ဟာ သစ်ပင်ရင်းမှာ တရားပွားများနေကြတဲ့ ရဟန်းတော်တွေကို တစ်ညလျှင် တစ်ပါး တစ်ပါး ဆွဲဆွဲ ယူသွားသတဲ့။

ဒါပေမယ့် ကျားဆွဲခံရတဲ့အခါ ရဟန်းတော်တွေက သတိပဋ္ဌာန်တရား အားထုတ်နေတဲ့ရဟန်းလည်းဖြစ်၊သူတော်ကောင်းစိတ်ရှိတဲ့သူတွေလည်းဖြစ်တော့ “ငါက ကျားဆွဲခံရတဲ့အကြောင်း သတင်းပေးလိုက်ရင် ငါ့ရဲ့ ညီတော်၊ နောင်တော်တွေ တရားအားထုတ်ရာမှာ အနှောက်အယှက်ဖြစ်မယ်၊ ဒီတော့ ငါသာ အသေခံမယ်၊ အသံမပြုဘူး၊ မအော်ဘူး” ဆိုပြီး ကျားဆွဲတာကိုပဲ ကြိတ်ပြီး ခံသွားကြသတဲ့။

ဒီလိုနဲ့ ရက်အတန်ကြာတဲ့အခါ ရဟန်းတွေ လျော့နည်းနေတာ သိရတော့ စုံစမ်းစစ်ဆေးကြတဲ့အခါ၊ကျားရဲ့ ခြေရာလက်ရာနဲ့ သွေးစသွေးနတွေကို တွေ့ရပြီး၊ ရဟန်းတွေကို ကျားဆွဲ ခံနေရမှန်း သိကြတယ်။ ဒီတော့ အကြီးဆုံး ရဟန်းတော်က ရဟန်းတော်များကို စုဝေးစေပြီး
“အရှင်ဘုရားတို့ ဒီတောထဲမှာ ကျားဆိုးတစ်ကောင် ရှိနေပြီ၊ အရှင်ဘုရားတို့ ညအခါ တရားအားထုတ်နေတုန်း ကျားဆွဲ ခံရရင်ဖြင့် ညီတော်နောင်တော်များကို အသိပေးပါ။ တပည့်တော်တို့မှာ တာဝန်ရှိပါတယ်” လို့ ကတိက၀တ် ထားကြသတဲ့။

အဲဒီနေ့ ညပိုင်းရောက်တဲ့အခါ လာနေကြ ကျားကြီးက လာပြီး တောအုပ်အစွန်မှာ တရားရှုမှတ်နေတဲ့ ရဟန်းတော်ကို ဆွဲပါလေရော။ အဲဒီအခါ သတိပဋ္ဌာန်တရား ပွားများနေတဲ့ ရဟန်းတော်က ဣနြေ္ဒပျက်စိတ် ချောက်ချားမှုမရှိဘဲ “သံဃာ့ အစည်းအဝေးမှာ ကတိပေးထားလေတော့ ငါ ကျားဆွဲခံရတာကို အသိမပေးလို့ရှိရင်ဖြင့်ညီတော်နောင်တော်များစိတ်အနှောက်အယှက် ဖြစ်ကုန်လိမ့်မယ်၊ စိတ်ဆင်းရဲကြလိမ့်မယ်” လို့ နှလုံးသွင်းမိပြီး “အရှင်ဘုရားတို့၊ တပည့်တော်ကို ကျားဆွဲသွားပြီ ဘုရား” လို့ အသိပေးလိုက်တယ်။ ထိပ်ထိပ်လန့်လန့်နဲ့ ကြောက်ပြီးအော်တာ မဟုတ်ပါဘူး။ သတိ လက်မလွှတ်ဘဲ တည်တည်ငြိမ်ငြိမ်နဲ့ အသံပေးလိုက်တာပဲ။

“ကျားဆွဲ ခံရပြီ” ဆိုတဲ့ အသံ ကြားလိုက်ရတယ်ဆိုရင်ပဲ နေရာအသီးသီးက တရားရှုမှတ်နေတဲ့ အရှင်မြတ်တွေအားလုံး မီးတုတ်ကိုယ်စီနဲ့ ပြေးလာကြပါတယ်။ ပါးစပ်ကလည်း “ဟေ့…ကျားကြီး လွှတ်ပေးကွ၊ သူတော်ကောင်းကို မနှိပ်စက်ကောင်းဘူး” လို့ အော်ဟစ်ပြီး တုတ်များ၊ ခဲများနဲ့ ခြောက်လှန့်ပစ်ခတ်ကြသတဲ့။

ဒါပေမယ့် ကျားကြီးက အကြောက်အလန့် မရှိဘဲ၊ ကြောင်က ကြွက်ကလေး ဆွဲသွားသလို ရဟန်းတော်များ ရှေ့မှောက်မှာပင် ရဟန်းတော်ကို ပါးစပ်ဖြင့် ကိုက်ချီပြီး ဆွဲပြေးပါတယ်။ ရဟန်းတော်များက နောက်ကလိုက်၊ ကျားက ရှေ့ကပြေးနဲ့ ရှေ့နားရောက်တော့အလွန်နက်တဲ့ ချောက်ကမ်းပါးပြတ်ကြီးကို ရောက်လာသတဲ့။အဲဒီအခါ ကျားကြီးက ရဟန်းတော်ကို ကိုက်ချီလျက်နဲ့ ဒီဘက်ကမ်းပါးကနေ ဟိုဘက်ကမ်းပါးထိပ် ရောက်အောင် ခုန်ပြီး ကူးလိုက်တယ်။ နောက်က လိုက်လာတဲ့ ရဟန်းတော်တွေကတော့ ချောက်ထဲ ဆင်းပြီး လိုက်လို့ကလည်း မမီ၊ လှမ်းခုန်ကူးလို့ကလည်း မရ ဖြစ်နေတယ်။

အဲဒီတော့ ရဟန်းတော်တွေက “အခြေအနေကတော့ ဘယ်လို့မျှ မတတ်နိုင်တော့ဘူး။ ဒီတော့ တို့တတ်နိုင်တဲ့ နည်းနဲ့ပဲ ကူညီရတော့မယ်” ဆိုပြီး ကျားပါးစပ်ထဲက ရဟန်းတော်အတွက် တရားလက်ဆောင် ပေးလိုက်ကြတယ်။ တရားလက်ဆောင် ပေးတယ်ဆိုတာ သတိပေးတာကို ပြောတာပါ။
သတိဟာ သာသနာတော်ရဲ့ အဖိုးမဖြတ်နိုင်တဲ့ လက်ဆောင်တစ်ခုပါပဲ။ ဟိုဘက်ကမ်းပါးထိပ် ရောက်သွားတဲ့ ကျားကြီးဟာ သူ့နောက်က ရဟန်းတော်တွေ ဆက်ပြီး မလိုက်နိုင်တော့တာ သိလို့၊ ပါးစပ်ထဲက ရဟန်းတော်ကို မြေကြီးပေါ် ချလိုက်ပါတယ်။ ရဟန်းတော်မှာလည်း ကျားခဲတဲ့ ဒဏ်ရာနဲ့ မျော့မျော့ပဲကျန်ပါတယ်။

အဲဒီအချိန်ကလေးမှာပဲ ဒီဘက်က လိုက်လာတဲ့ ရဟန်းတော်တွေက ဟိုဘက်ကမ်းပါးမှာ ရှိနေတဲ့ ကျားလက်ထဲ ရောက်နေတဲ့ ရဟန်းကို---
“အရှင်ဘုရား၊ အရှင်ဘုရား ယခုတွေ့နေတဲ့ ဆင်းရဲဒုက္ခအ၀၀ဟာ ကျားကြီးက နှိမ်စက်တာ မဟုတ်ပါဘူး၊ ခန္ဓာကြီးက နှိပ်စက်တာပါ။ တကယ်ဆိုရင် ခန္ဓာကိုယ်ကြီးကြောင့် ဒုက္ခရောက်နေတာပါ။ ဒါကြောင့် တရားလက်မလွတ်ပါစေနဲ့၊ ကျားကိုလည်း စိတ်မဆိုးမိပါစေနဲ့၊ မိမိခန္ဓာကိုယ်မှာ ရှုမှတ်မြဲ တရားအလုပ်ကိုသာ ဆက်လုပ်တော်မူပါ။ မိမိ အားထုတ်နေဆဲ တရားရဲ့ စွမ်းရည်ဆိုတာ အခုလို ပြင်းထန်တဲ့ လောကဓံနဲ့ တွေ့ရတဲ့အခါ အစွမ်းပြစမြဲပါ၊ အရှင်ဘုရားအတွက် တရားစွမ်းရည် စမ်းသပ်ဖို့ အခွင့်ကောင်းကြီးပါ၊ ဒါကြောင့် ခန္ဓာက နှိပ်စက်နေတဲ့ သဘောတွေကို မြင်အောင် ကြည့်ပြီးတော့ အပ္ပမာဒသတိကိုသာစိတ်အစဉ်မှာယှဉ်ပြီးတော့ရှုမှတ်ပါ၊ မြတ်စွာဘုရားရှင်ကလည်း အပ္ပမာဒေန သမ္ပာဒေထလို့ ဟောခဲ့တယ် မဟုတ်လား ငါ့ရှင်”
လို့ တရားလက်ဆောင် ပေးခြင်းဆိုတဲ့ မိမိတို့ တတ်နိုင်တဲ့ အကူအညီ ပေးပြီး ပြန်လှည့်သွားကြပါသတဲ့။

ဟိုဘက်ကမ်းပါးထိပ်က ကျားဆွဲခံရတဲ့ ရဟန်းကလည်း တရားနှလုံးသွင်း မပျက်ဘူးတဲ့၊ ကျားကြီးကလည်း သူ့နောက်က လိုက်လာတဲ့ ရဟန်းတော်တွေ လက်လျှော့ပြီး ပြန်သွားတဲ့အခါ မြေကြီးပေါ် ခဏချထားတဲ့ ရဟန်းတော်ကို စပြီး စားပါလေရော။သားကောင်ကို စားတဲ့နေရာမှာ ကျားနဲ့ ကြောင် မတူပါဘူး၊ ကြောင်များက ခေါင်းဘက်က စပြီးတော့ စားပေမယ့် ကျားကတော့ ခြေထောက်က စပြီးတော့ စားတယ်လို့ ဆိုတယ်။

ဒါကြောင့်သူ့လက်ထဲ ရောက်နေတဲ့ရဟန်းတော်ကို အေးအေးဆေးဆေး ခြေထောက်က စပြီး စားတော့တာပါပဲ၊ အဲဒီအခါ ရဟန်းတော်ကလည်း “ငါ့ခြေထောက်ကို ကျားကြီး စားနေတယ်” လို့ မသုံးသပ်ဘဲ ခန္ဓာကိုယ်ရဲ့ နှိပ်စက်မှုပဲလို့ ခန္ဓာဘက်ကို စိတ်ဦးလှည့်ပြီးတော့ အရှင်လတ်လတ် ကျားစားခံရလို့ ဖြစ်ပေါ်လာတဲ့ ဝေဒနာကို သတိနဲ့စိုက်ပြီး ရှုမှတ်နေပါသတဲ့။
သတိဆိုတာ အတိတ်နဲ့ အနာဂတ်တို့ရဲ့ ဖြားယောင်းမှုက လွတ်ပြီး ပစ္စုပ္ပန်တည့်တည့်မှာပဲ ရှိနေတာမို့ ဝေဒနာကို သည်းခံ ရှုမှတ်နေရင်း ၀ိပဿနာဥာဏ်အစွမ်းကြောင့် အနိစ္စ-ဒုက္ခ-အနတ္တ လက္ခာရေးသုံးပါး ပြတ်ပြတ်သားသား ထင်မြင်လာပြီး၊ ကျားကြီးက ခြေဖျားကစပြီး စားလိုက်တာ ခြေမျက်စိလည်း ကုန်ရော၊ ကျားစားခံရတဲ့ ရဟန်းတော်က သောတာပန် ဖြစ်သွားတယ်။

  နောက် ကျားကြီး ဆက်စားလို့ ဒူးဆစ်လောက်လည်း ကုန်သွားရော ရဟန်းတော်က သကဒါဂါမ်ဖြစ်၊ နောက် ကျားကြီးက ဆက်စားလို့ ချက်လောက်လည်း ကုန်သွားရော ရဟန်းတော်က အနာဂါမ်ဖြစ်လို့။
ကျားကြီးက ရဟန်းတော်ကို စားတယ်၊ ရဟန်းတော်က ကိလေသာကို စားတယ်။
“ဟယ်-ကျားကြီး၊ မင်းကပဲ ငါ့ကို ကုန်အောင် စားနိုင်မလား၊ ငါကပဲ ကိလေသာကို ကုန်အောင် စားနိုင်မလား၊ အစား ပြိုင်ကြတာပေါ့ကွာ”

လို့ မပြောသော်လည်း ပြောသကဲ့သို့ အပြိုင်အဆိုင် အားထုတ်လိုက်တာ ကျားကြီးက စားလိုက်တာ နှလုံးသားနားကိုလည်း ရောက်ရော ရဟန်းတော်ကလည်း ကိလေသာအားလုံး ကုန်ခန်းပြီး ရဟန္တာဖြစ်တော်မူပါတယ်။ ကျားကြီးက နှလုံးသားကိုလည်း စားလိုက်ရော ရဟန်းတော်သည် ပရိနိဗ္ဗာန် စံသွားတော်မူပါတယ်။

တိပိဋကဓရ၊ ဓမ္မဘဏ္ဍဂါရိက
ယော ဆရာတော်ကြီး

ဤဓမ္မပုံပြင်ဖြင့် (ယော) ဆရာတော်က---
“အဆိုးလောကဓံတွေဆိုတာ စိတ်ကို နီရဲလုနီးပါး ပူလာအောင် မီးဖုတ်ပေးလိုက်တဲ့ သဘောပဲ။
အဲဒီလို အခါမျိုးမှာ လောကဓံဆင်းရဲ အပူမီးထဲက မိမိစိတ်ကလေးကို အပ္ပမာဒသတိ=ညှပ်နဲ့ ဆွဲယူလိုက်ဖို့ လိုပါတယ်။

ပြီးရင် သဒ္ဓါတရား=ရေအေးနဲ့ လောင်းပေး၊ ယောနိသောမနသိကာရ=တူနဲ့ ထုပေးပြီး ဘာဝနာပုံစံ ပေါ်လာအောင် အသိဉာဏ်ကလေးနဲ့ ဦးစီးမှု ပေးလိုက်ရင် ကျားပါးစပ်ထဲ ရောက်နေတဲ့ ရဟန်းတော်မှ ဘာဝနာအင်အားတွေ ပေါ်လာပြီး ရဟန္တာ ဖြစ်ရသေးတယ်၊ ကျားစားခံရတဲ့ ဝေဒနာဆိုးကြီးကိုတောင်မှ သတိနဲ့ တော်လှန်နိုင်သေးတယ်ဆိုရင် ဒီ့ပြင် လောကဓံတွေနဲ့ တွေ့တဲ့အခါ သတိရဲ့စွမ်းအားဟာ ဘယ်လောက် အားကိုးနိုင်တယ်ဆိုတာ
သတိပြုမိဖို့နဲ့---
လောကကြီးအနေနဲ့ ကြည့်ရင် ကျားကိုက်ခံရတာဟာ ပြဿဒါးပေါ့၊ ဂြိုလ်ဆိုး ၀င်တာပေါ့၊ ဒါပေမယ့် သတိတရား လက်ကိုင်ထားလိုက်တာနဲ့ ကျားကိုက်ခံရပေမယ့် ရဟန္တာအထိ ဖြစ်ရတယ်ဆိုတော့ ရက်ရာဇာပေါ့၊ က့ကောင်းတာပေါ့။

လှိုင် တိုး
ဒါကြောင့် သတိဟာ အဆိုးထဲမှ အကောင်း ဖြစ်လာအောင်၊ အရှုံးထဲမှ အမြတ်ပေါ်လာအောင် လုပ်ပေးနိုင်တဲ့ အံ့သြဖွယ်တရား၊ လူ၊ နတ်၊ နိဗ္ဗာန် သုံးတန်သော ချမ်းသာကို အချိန်မရွေး နေရာမရွေး ရစေနိုင်တဲ့ တရားတစ်ခု ဖြစ်တယ်ဆိုတာကို သတိပြုမိဖို့ လိုအပ်ကြောင်း ပြောပြလိုရင်း ဖြစ်ပါတယ်။
စာရှုသူများလည်း သတိမမေ့ ချမ်းသာတွေ့နိုင်သူများ ဖြစ်ကြပါစေ။

တော်ဝင်နွယ် (ဓမ္မပုံပြင်များ)
YKKM

ခန္တီ နဲ့ ဥပေက္ခာ ဘာများထူးခြားသလဲ???

ဒကာ။ ။ ခန္တီစ- သည်းခံရခြင်း၊ဥပေက္ခာစ- လျစ်လျူရှုရခြင်းဟု ပြောဟောကြရာ…

ခန္တီ- သည်းခံတယ်ဆိုတာ မသာယာခြင်းနဲ့ ပြန်လှန်လက်စားမချေဘဲ လျစ်လျူရှုထားလိုက်တဲ့
ဥပေက္ခာသဘောမို့ နာမည်ချင်းသာခြားတာ၊သဘောတရားကတော့ အတူတူပါပဲလို့
အချို့ဆရာတို့က ပြောဟောကြပါတယ်။

ဆရာအချို့ကလည်း ခန္တီနဲ့ ဥပေက္ခာဟာ သဘောတရားချင်းမတူဘူး။ တခြားစီသာ ဖြစ်တယ်။
အကယ်၍ သဘောချင်းတူရင် ပါရမီဆယ်ပါးထဲမှာ အမည်နှစ်ပါးနဲ့ ခွဲခြားပြီး ဘုရားမဟောတန်ရာ။
ဒါ့ကြောင့် ထူးခြားတယ်ဟု ဟောပြောကြပါတယ်။

အဲဒီတရား နှစ်ပါး ထူးခြားတယ် ၊မထူးခြားဘူးဆိုတာ မှတ်သားရလွယ်အောင် မိန့်ကြားပါဦး ဆရာတော်။

ဆရာ။ ။ ဒီ တရားနှစ်ပါးကလည်း ဓမ္မ၀ိစယဉာဏ်ပညာနဲ့ မခွဲခြား မစိစစ်တတ်ရင် “ပုလင်းတူ-ဘူးဆို့”
သဘောပဲလို့ မှတ်ထင်စရာ ဖြစ်နေတယ်။ အမှန်ကတော့ သဘောတရားခြင်း ခြားနားမှုရှိတယ်။
ယင်းတို့နှစ်ပါးခြားနားပုံကို လွယ်လွယ်နဲ့ ဒီလိုသိကြပေတော့။

“ခန္တီ”
•••••••••••
ခန္တီရဲ့သဘောက သက်ရှိ(သ၀ိညာဏ)က သတ္တ၀ါ သင်္ခါရတို့က မိမိအား ကိုယ်ဖြင့်သော်၎င်း၊
  နှုတ်ဖြင့်သော်၎င်း၊ ကိုယ်နှုတ်နှစ်ပါးတို့ဖြင့်သော်၎င်း၊ ထိပါးပုတ်ခတ်မှုပြုလာသော် ဒေါသဖြင့် ယင်းပုဂ္ဂိုလ်အား
စိတ်ဆိုးခြင်း၊ ပြန်လှန်၍ပြစ်မှားခြင်း၊ထိပါးပုတ်ခတ်၊လက်စားချေခြင်းမပြုဘဲ သည်းခံ၍ နေနိုင်ခြင်းနှင့်....

သက်မဲ့(အ၀ိညာဏ)က မိမိကိုယ်နဲ့စပ်တဲ့ အချမ်းအပူရာသီဥတု၏ နှိပ်စက်ခြင်းဒဏ်၊
အ၀တ်အစား၊ နေရာတို့၏ ကြမ်းတမ်း ခက်ထန်ခြင်း၊မပြည့်စုံခြင်းစသည်တို့နဲ့ တွေ့ကြုံတဲ့အခါ ဒေါမနဿ
စိတ်ဆင်းရဲခြင်း ၊ စိတ်နှလုံး မချမ်းမြေ့ခြင်းတို့ကို မဖြစ်စေဘဲ သည်းခံနိုင်ခြင်းတို့ကို ခန္တီလို့ ဆိုကြတယ်။
သူ့တရားကိုယ်က “အဒေါသ စေတသိက်” ပဲ။

“ဥပေက္ခာ”
•••••••••••••••••
ဥပေက္ခာရဲ့သဘောက
●ဣဋ္ဌာရုံခေါ်တဲ့ လိုချင်စရာ၊ခင်မင်စရာ၊ချစ်စရာ၊နှစ်သက်စရာ၊မြတ်နိုးစရာ၊
အာရုံမျိုးတွေနဲ့ ဆုံခဲ့သော် သာယာ၊ခင်မင်၊လိုချင်၊တပ်မက်၊ဆာလောင်၊စွဲလမ်းခြင်းဆိုတဲ့
တဏှာ၊ဥပါဒါန်ဖက်သို့ မပါမရောက်အောင် စောင့်ရှောက် တားဆီးထားနိုင်မှု
လျစ်လျူရှုခြင်းသဘောနှင့်....

●အနိဋ္ဌာရုံဖြစ်တဲ့ မုန်းစရာ၊ရွံစရာ၊မခံချင်စရာ၊စိတ်ဆိုးစရာ အာရုံအမျိုးမျိုးတွေနဲ့ တွေ့ကြုံတိုက်ဆိုင်လာတဲ့
အခါမျိုးမှာလည်း ရွံမုန်းစိတ်ဆိုး ဒေါသဖက်သို့ မရောက်စေဘဲ စောင့်ရှောက်တားဆီးထားနိုင်မှု
လျစ်လျူရှုခြင်း သဘောတမျိုးပဲဖြစ်တယ်။

အဲဒီ ဣဋ္ဌာရုံဖက်ကိုရော၊အနိဋ္ဌာရုံဖက်ကိုပါ ဘယ်ဘက်ကိုမှ မပါ မလိုက်ဘဲ ချစ်၊မုန်း မပါ
အလယ်အလတ် သဘောအသွင်ကိုဆောင်တဲ့ “တတြ မဇ္ဈတ္တ စေတသိက်” ကိုပင်လျှင်
“ဥပေက္ခာ” လို့ ခေါ်ဆို ဟောပြောကြတာပဲ။

ကဲ....အဲဒါ မှတ်သားရလွယ်အောင် အဘိဓမ္မာနည်းနဲ့ ထုတ်ဆောင်ပြလိုက်တာပဲ။ဒါထက် လွယ်လွယ် သိချင်ရင် သည့်ပြင်ဆရာတွေဆီမှာ သွားရောက် မေးမြန်းကြပေတော့။

◄အဲဒီတရားနှစ်ပါး လက်ကိုင်ထားနိုင်ရင် အလွန်စိတ်အေးမြ ငြိမ်းချမ်းတယ်။
အဲဒါကိုလည်း အကျင့်လုပ်ထားပါ။►

ဒကာ။ ။ ဆရာသစ်တွေ ရှာနေစရာ မလိုတော့ပါဘူး ဆရာတော်..ရှင်းလင်းပြတ်သား ကွဲပြားခြားနားစွာ သိပါပြီဘုရား…။ဒီတရားနှစ်ပါးကိုလည်း လက်ကိုင်ရအောင်အကျင့်
လုပ်ထားပါမည် ဆရာတော်…။လက်စသတ်တော့ “ခန္တီက အဒေါသ စေတသိက်
မေတ္တာ ဓာတ်သဘောကိုး” ခုမှပဲ ကွဲတော့တယ်။

-【အဂ္ဂမဟာပဏ္ဍိတ အရှင်သြဘာသာဘိဝံသ】
YKKM

လူအထင်မကြီးမှာကြောက်လို့…

များသောအားဖြင့် ပစ္စည်းဥစ္စာတို့၊ ရာထူးတို့ ရှိလာတဲ့အခါမှာ လူက မာနတော်တော်ကြီးလာတယ်။ မာနကြီးလာတာကို psychic inflation လို့ခေါ်တယ်။

ဘဝင်မြင့်သွားတာတို့ မာနကြီးသွားတာတို့ ဆိုတာဟာ အတွင်းမှာ empty ဖြစ်နေတဲ့သဘောကို ထင်ဟပ်ပြတာပဲ။ empty ဖြစ်နေတဲ့ လက္ခဏာကို ပြတာပဲ။ ကိုယ့်ကိုကိုယ် တန်ဖိုးရှိတယ်လို့ တကယ်မယုံကြည်ဘဲနဲ့.. စိတ်ထဲမှာ သံသယရှိနေတဲ့သူဟာ ပြင်ပအရာတွေကို မှီပြီးတော့ အဲဒီအရာတွေအားကိုးနဲ့ ကိုယ့်ကိုယ်ကို တန်ဖိုးရှိတယ်လို့ ပြချင်တယ်။ အဲသလို ပြချင်တဲ့အခါမှာ မာနကြီးလာတာပဲ။

မာနကြီးတယ်ဆိုတာကိုက သူ့ကိုယ်သူ ယုံကြည်မူမရှိဘူးဆိုတာကို ပြနေတာပဲ။ ဒါတော်တော်လေး စဉ်းစားဖို့ကောင်းတဲ့ အချက်ပဲ။ မာန်မာနကြီးကြီး နေပြလိုက်တာဟာ အမှန်တော့ သူ့ရင်ထဲမှာ ကြိတ်ပြီးတော့ဖြစ်နေတဲ့ လူအထင်မကြီးမှာ ကြောက်တဲ့စိတ်ကို ဖုံးလိုက်တဲ့ လုပ်နည်းလုပ်ဟန် တစ်မျိုးဖြစ်တယ်။

စိတ်ဓါတ်အင်အား ပျော့ညံ့တဲ့သူ၊ စစ်မှန်တဲ့သတ္တိမရှိတဲ့သူဟာ သူတစ်ပါးကို အနိုင်ကျင့်ချင်တဲ့သူ (ဒုက္ခဖြစ်အောင်၊ စိတ်ဆင်းရဲကိုယ်ဆင်းရဲဖြစ်အောင် လုပ်ချင်တဲ့သူ) ဖြစ်လာတယ်။
ကိုယ့်ကိုကိုယ် အဆင့်အတန်းမြင့်တဲ့ လူတစ်ယောက်(အတွင်းအားမရှိတဲ့သူ)လို့ မှန်မှန်ကန်ကန် မခံစားရတဲ့သူဟာ လူကြွားကြီးဖြစ်လာတယ်။
ကြွားတာဟာ လူအထင်မကြီးခံရမှာ ကြောက်လို့။
အဲဒါကိုမှန်မှန်ကန်ကန် နားလည်ဖို့လိုတယ်။

မာနကြီးတာလည်း မကောင်းသလို ကိုယ့်ကိုကိုယ် အထင်သေးနေတာလည်း မကောင်းပါဘူး။ တချို့က ကိုယ့်ကိုကိုယ် အထင်သေးတဲ့စိတ် ရှိနေတယ်။ အဲသလို လူကလည်းပဲ သူ့အရည်အချင်းတွေကို သေသေချာချာ ထုတ်ဖော်နိုင်မှာလည်း မဟုတ်သလို သူ့အကျိုးကိုလည်းသူ မဆောင်ရွက်နိုင်ဘူး။ ကိုယ့်ကိုကိုယ် အထင်သေးနေတဲ့ လူတစ်ယောက်ဟာ ကိုယ့်ကိုကိုယ် ကျေနပ်မူမရနိုင်ဘူး။ ကိုယ့်ကိုကိုယ် အပြစ်တင်နေတာ၊ ရှုံချနေတာဟာလည်း မာနပဲနော်။

ဒါကြောင့်ကိုယ်ကိုကိုယ် အထင်သေးနေတာလည်း မကောင်းဘူး။ မတရားမာနကြီးနေတာလည်း မကောင်းဘူး။ ဒီနှစ်ခုစလုံးကို နားလည်ဖို့ အင်မတန်အရေးကြီးပါတယ်။

{ဆရာတော်ဦးဇောတိက}
(ဆရာတော်ဦးဇောတိက၏ “သဘောထားကြီးပါတယ်” စာအုပ်မှ ဖြစ်ပါသည်)
YKKM